Փորձագետի ընտրության մրցույթ
«Դրական մարդկանց հայկական ցանց» սոց. ՀԿ-ն «Փոփոխությունները հնարավոր են: Գործենք հիմա» նախագծի շրջանակներում հայտարարում է փորձագետի ընտրության մրցույթ։ Սույն նախագիծը ՀՀ-ում ընթանում է երրորդ տարին անընդմեջ՝ Արևելյան Եվրոպայի և Կենտրոնական Ասիայի երկրների տուբերկուլոզի տարածաշրջանային ծրագրի շրջանակներում (TB-REP), որն ուղղված է առողջապահական համակարգերի հզորացմանը՝ տուբերկուլոզի (ՏԲ) և դեղակայուն տուբերկուլոզի արդյունավետ վերահսկման նպատակով:
Ընտրված փորձագետի ընդհանրական գործառույթները.
Փաստաթղթերի ուսումնասիրության իրականացում՝ ՀՀ պետական և ծառայություն մատուցող կառույցների միջև սոցիալական պայմանագրերի կնքման ու ֆինանսավորման առկա տարբերակների և հնարավորությունների վերաբերյալ։ Փաստաթղթերի ուսումնասիրությունը պետք է արտացոլի պետական կառույցների կողմից պատվիրակման ու պայմանագրային հարաբերությունների հնարավորությունների առկա կարգավորումները։ Ուսումնասիրության վերջնարդյունքը Զեկույցի մշակումն է՝ հիմնական բացահայտումներով ու առաջարկություններով։ Զեկույցի առաջին նախագիծը (հիմնական բացահայտումները) նախատեսվում է ներկայացնել 2018թ․-ի հունիս ամսին։ Զեկույցում արտացոլված առաջարկությունների հիմքով պետք է կազմվի քաղաքականության մշակման փաստաթուղթ (policy brief) քաղաքականություն ընդունող ու որոշում կայացնողների հետ ջատագովության կազմակերպման նպատակով։
Սույն ուսումնասիրության նպատակն է աջակցել Նախագծի իրավական/սոցիալական գործոնին՝ մշակելով պետության կողմից սոցիալական պայմանագրի/պատվիրակման առկա հնարավորություններն ու ռեսուրսները, տարբեր կառույցների կողմից տրամադրվող ծառայությունները, դրանց տարատեսակները ու հնարավոր ծախսերի առկա իրավիճակի վերլուծությունը։
Ընտրված փորձագետի հիմնական գործողությունները․
- Ուսումնասիրել պետության կողմից այլ կառույցների, ՀԿ-ների որևէ ծառայություն պատվիրակելու, սոցիալական պայմանագրերի առկայությունն ու հնարավորություններն արտացոլող իրավական ակտերը։
- Վերլուծել վերը շարադրված կարգավորումներով իրավական ակտերը՝ ներառյալ պետության կողմից առկա կամ նախատեսված ֆինանսական ծախսերը։
- Զեկույցի առաջին նախագիծը (հիմնական բացահայտումներ, առաջարկություններ) ներկայացնել 35 հիմնական դերակատարների մասնակցությամբ 2018թ․-ի հունիս ամսին կայանալիք երկօրյա հանդիպմանը։
- Վերանայել և լրամշակել Զեկույցում արտացոլված դրույթները և առաջարկությունները։
- Անհրաժեշտության դեպքում, մասնակցել պետական պաշտոնյաների, պատգամավորների և այլ որոշում կայացողների հետ հանդիպումներին։
Սպասվող արդյունքները․
- Տարբեր կազմակերպությունների կողմից տուբերկուլոզով հիվանդ անձանց տրամադրվող ծառայությունների՝ պետության կողմից պատվիրակման, սոցիալական պայմանագրային հարաբերությունների և դրանց ծախսային հնարավորությունների հարաբերությունները կանոնակարգող իրավական ակտերի վերլուծություն, իրավիճակի վերլուծություն՝ Զեկույց
- Երկօրյա հանդիպման ընթացքում Զեկույցի ներկայացում և աշխատանքային խմբերի վարում
- Պետական կառույցներում, որոշում կայացնողների ու քաղաքականություն մշակողների մասնակցությամբ հանդիպումների մասնակցություն և Զեկույցի ներկայացում
Փորձագետին առաջադրվող պահանջները․
- Բակալավրի կամ մագիստրոսի կոչում իրավագիտության և/կամ հասարակական, քաղաքական գիտությունների հետ առնչվող ոլորտներում:
- Մարդու իրավունքների պաշտպանության, քաղաքականության մշակման և իրականացման ոլորտում առնվազն 5 տարվա աշխատանքային փորձ:
- Խնդրին բազմակողմանի մոտեցման գիտելիքների և հմտությունների առկայություն:
- Գիտելիքների և հմտությունների առկայություն սոցիալական համագործակցության շրջանակներում ՏԲ համայնքին և (կամ) այլ խոցելի խմբերին մատուցվող ծառայության վերաբերյալ:
- Քաղաքականության մշակման փորձառություն:
- Գերազանց վերլուծական և գրավոր հմտություններ:
- Հայերեն և անգլերեն լեզուների գերազանց իմացություն:
- Հետազոտություններ անցկացնելու նախկինում ունեցած փորձառությունը կդիտվի առավելություն:
Տևողություն․
4 ամիս՝ պայմանագրի կնքման և ստորագրման ամսաթվից։
Հետաքրքրված անձինք պետք է իրենց ինքնակենսագրականները ուղարկեն ppan777@gmail.com էլ․ հասցեին` նամակի առարկա (subject) տողում նշելով «Փորձագետի հաստիքի համար»: Ներկայացման վերջնաժամկետն է 2018թ․-ի մայիսի 21-ը։ Ինքնակենսագրականը անհրաժեշտ է ուղարկել PDF ֆորմատով՝ ֆայլի անվանման մեջ պարտադիր նշելով դիմողի անունը (լատինատառ կամ մեսրոպատառ):
Լրացուցիչ տեղեկությունների համար դիմել «Դրական մարդկանց հայկական ցանց» սոց. ՀԿ
Հասցե՝ ՀՀ, ք. Երևան, Բաշինջաղյան 133
Հեռախոս՝ (+37477)272014; (+37455)272014; (+37491)272014
Leave a Reply