ՄԻԱՎ-ի և հեպատիտների վերաբերյալ հետազոտության եվրոպական շաբաթ 2018

Back to Նորություններ

ՄԻԱՎ-ի և հեպատիտների վերաբերյալ հետազոտության եվրոպական շաբաթ 2018

«Դրական մարդկանց հայկական ցանց» սոց. ՀԿ-ն 2018թ.-ի նոյեմբերի 23-30-ը միացել է ՄԻԱՎ/հեպատիտների վերաբերյալ հետազոտության եվրոպական շաբաթին, ինչպես նաև դեկտեմբերի 1-ին ՁԻԱՀ-ի դեմ պայքարի միջագային օրվա միջոցառումներին:

Այս միջոցառումները նպատակ ունեն մասնավորապես ՀՀ քաղաքացիների շրջանում բարձրացնել ՄԻԱՎ-ի և հեպատիտների վերաբերյալ իրազեկության մակարդակը, շեշտադրել պարբերաբար հետազոտություն անցնելու անհրաժեշտությունը և նվազեցնել վարակման ռիսկերը:  Հետազոտության շաբաթվա և ՁԻԱՀ-ի դեմ պայքարի համաշխարհային օրվա ընթացքում ավելի քան 1000 ՀՀ քաղաքացիների կտրամադրվի նաև նախա/հետթեստային խորհրդատվությամբ ուղեկցվող ՄԻԱՎ-ի, վիրուսային հեպատիտներ B-ի և C-ի վերաբերյալ արագ, անանուն և անվճար թեստավորում անցնելու հնարավորություն:

ՄԻԱՎ/հեպատիտ եվրոպական հետազոտության շաբաթը մեկնարկել է 2013 թ.-ից՝ «ՄԻԱՎ-ը Եվրոպայում» համաեվրոպական նախաձեռնության կողմից: Այն նպատակ ունի օգնել մարդկանց ՄԻԱՎ կարգավիճակի բացահայտման հարցում:

Հարկ է նշել, որ 2017թ.-ին նախաձեռնությանը արդեն իսկ միացել են 53 երկրներից ավելի քան 600 կազմակերպություններ, ինչի արդյունքում հազարավոր մարդիկ արդեն տեղյակ են իրենց ՄԻԱՎ/հեպատիտ կարգավիճակի մասին: ՀՀ-ն՝ հանձին  «Դրական մարդկանց հայկական ցանց» սոց. ՀԿ-ի նախաձեռնությանը միանում է երկրորդ անգամ: 2017թ-ին իրականացված միջոցառման ընթացքում հետազոտվել են ՀՀ 1104 քաղաքացիներ, որի ընթացքում գրանցվել են ՄԻԱՎ-7, Հեպատիտ C-87 և Հեպատիտ B-16 դրական դեպքեր։

Ստորև գտեք նաև վերոհիշյալ միջոցառումների անցկացման վայրերը և օրերը ՀՀ-ի ամբողջ տարածքով.

Օրը Վայրը Ժամը
Ք Երևան
23.11.18 Հյուսիսային պողոտա 13։00-18։30
24.11.18 Սասունցի Դավթի արձանի հարևանությամբ 13։00-18։30
24.11.18 Վարդան Մամիկոնյանի արձանի մոտ 13։00-18։30
26.11.18 ԵՊՀ 13։00-18։30
28.11.18 Զորավար Անդրանիկի արձանի հարևանությամբ 13։00-18։30
28.11.18 Գարեգին Նժդեհի հրապարակ 13։00-18։30
30.11.18 Հարավարևմտյան թաղամաս 13։00-18։30
01.12.18 Հյուսիսային պողոտա 13։00-18։30
Մարզեր
26.11.18 Կոտայքի մարզ, ք.Աբովյան 13։00-17։30
27.11.18 Լոռու մարզ, Վանաձոր, քաղաքապետարանի հարակից տարածք 13։00-17։30
27.11.18 Գեղարքունիքի մարզ, ք.Գավառ 13։00-17։30
29.11.18 Արմավիրի մարզ, ք.Արմավիր 13։00-17։30
29.11.18 Արարատի մարզ, ք.Մասիս 13։00-17։30
30.11.18 Արարատի մարզ, ք.Արարատ 13։00-17։30

Կիսվել

Leave a Reply

Your email address will not be published. Required fields are marked *

Back to Նորություններ