ՄԻԱՎ-ի և հեպատիտների վերաբերյալ հետազոտության եվրոպական շաբաթվա արդյունքները

By admin Նորություններ 0 կարծիք

Սկսած 2013թ․-ից «ՄԻԱՎ-ը Եվրոպայում» համաեվրոպական նախաձեռնության կողմից ՁԻԱՀ-ի դեմ պայքարի համաշխարհային օրվան ընդառաջ հայտարարվում է ՄԻԱՎ-ի և հեպատիտների վերաբերյալ հետազոտության եվրոպական շաբաթ, որի նպատակն է օգնել մարդկանց իմանալու ՄԻԱՎ-ի և հեպատիտների նկատմամբ իրենց կարգավիճակը:

Արդեն երկրորդ տարին է, ինչ «Դրական մարդկանց հայկական ցանց» սոցիալական հասարակական կազմակերպությունը, Gilead Science ընկերության հովանավորությամբ, միանում է ՄԻԱՎ-ի և հեպատիտների վերաբերյալ հետազոտության եվրոպական շաբաթվան և սույն թվականի նոյեմբերի 23-30-ը, ինչպես նաև դեկտեմբերի 1-ին՝ ՁԻԱՀ-ի դեմ պայքարի համաշխարհային օրը Երևանում և Շիրակ, Կոտայք, Լոռի, Գեղարքունիք, Արմավիր, Արարատ մարզերում անցկացրեց հանրային միջոցառումներ:

Միջոցառումների իրականացման աշխատանքներին աջակցություն ցուցաբերեցին ՀՀ ԱՆ ՁԻԱՀ-ի կանխարգելման հանրապետական կենտրոնը, ՄԱԿ-ի ՄԻԱՎ/ՁԻԱՀ-ի միացյալ ծրագիրը, Միգրացիայի միջազգային կազմակերպությունը և «Հայկական Կարիտաս» բարսեիրական հասարակական կազմակերպությունը։

Միջոցառումները նպատակ ունեին բարձրացնելու ՄԻԱՎ վարակի և հեպատիտների վերաբերյալ բնակչության իրազեկվածության մակարդակը, շեշտադրելու պարբերաբար հետազոտություն անցնելու անհրաժեշտությունը և նվազեցնելու վարակման վտանգները:

Հանրային միջոցառումների ընթացքում բոլոր ցանկացողները հնարավորություն ունեցան ՁԻԱՀ-ի կենտրոնի շարժական կլինիկաներում անցնելու ՄԻԱՎ-ի, հեպատիտներ Բ-ի և Ց-ի վերաբերյալ արագ, անանուն և անվճար հետազոտություն։

Ընդհանուր առմամբ, ՄԻԱՎ-ի և հեպատիտների վերաբերյալ հետազոտության եվրոպական շաբաթվա ընթացքում և դեկտեմբերի 1-ին հետազոտվեց և իր կարգավիճակի մասին իմացավ 1568 մարդ:

Բացահայտված դեպքերի մանրամասները ստորև․

Հ/հ	Ամսաթիվ	Անցկացման վայրը	Հետազոտվածների թիվը	ՄԻԱՎ		Հեպատիտ Բ		Հեպատիտ Ց
Հ/հ	Ամսաթիվ	Անցկացման վայրը	Հետազոտվածների թիվը	Դրական պատասխան ստացածների ընդհանուր թիվը	Նոր դեպքերի թիվը*	Դրական պատասխան ստացածների ընդհանուր թիվը	Նոր դեպքերի թիվը	Դրական պատասխան ստացածների ընդհանուր թիվը	Նոր դեպքերի թիվը
1	11/23/2018	Ախուրյան	118	1	1	1	1	1	1
2	11/23/2018	Հյուսիսային պողոտա	144	1	1	0	0	1	0
3	11/24/2018	Զորավար Անդրանիկի արձանի հարևանությամբ	111	0	0	0	0	5	0
4	11/24/2018	Սասունցի Դավթի արձանի հարևանությամբ	82	0	0	0	0	1	0
5	11/26/2018	ք.Աբովյան	77	0	0	0	0	2	0
6	11/26/2018	ԵՊՀ	73	0	0	0	0	1	1
7	11/27/2018	ք.Վանաձոր	107	1	0	0	0	1	0
8	11/27/2018	ք.Գավառ	65	0	0	0	0	1	0
9	11/28/2018	Ցիտադել բիզնես կենտրոն	77	0	0	0	0	1	0
10	11/28/2018	Գարեգին Նժդեհի արձանի հարևանությամբ	122	0	0	1		15	0
11	11/29/2018	ք.Մասիս	122	1	1	0	0	3	3
12	11/29/2018	ք.Արմավիր	45	0	0	0	0	1	1
13	11/30/2018	ք.Արարատ	72	0	0	0	0	4	0
14	11/30/2018	Հարավարևմտյան թաղամաս	84	0	0	1		3	2
15	12/1/2018	Հյուսիսային պողոտա	116	2	1	1	0	6	0
16	12/1/2018	Գյումրի	153	0	0	1	0	1	0
Ընդամենը			1568	6	4	5	1	47	8